" نقطة و من اول السطر "

" نقطة ومن اول السطر "

 * لم اكن اعرف كل هذا , لم اكن اعرف مقدار حبي لها
   ( مصر )

-----------------------

فى احدى الايام كنت اجلس مع رفقة عملي .. نتحدث فى شأن بعض الصفقات التجارية و نذكر بعض الدول و انواع التجارة بها و كيفية تسويق المنتجات خلال هذه البلاد .. و هكذا تواصلنا حتى جاء الاخ 

( احمد عواد ) ..
سألت احد من من كان جالس معنا .. من هذا ؟!
- هذا احمد عواد مصري عائد من امريكا

- هل سينضم لنا ام زيارة و عائد

- سينضم الينا , و سيكون فائدة كبيرة لنا , انه يحمل على  كتفيه الكثير من الخبرات و افكار الاستثمار و التجارة الاجنبية .. بالتأكيد سيفيدنا

- حسنا .. هذا جيد

*رحبنا به .. و رحبت به كثيرا .. و اتضح انه ولد فى مصر ثم ذهب الى امريكا فى سن السابعة عشر .. و انه عائد الى مصر للاستثمار بها .. و سيفتح شركة استيراد و تصدير و الاستعانة بفريقنا ..

* دار حوار بيني و بينه عندما سألته هلى تنوي المعيشة هنا ؟!

- اعيش هنا ازاي .. هى دي بلد اصلا !!

- تقصد ايه ! .. امال ايه اللى جايبك !؟
( اهتزت ارجلي مع ملامح غضب قليلة )

- مالك زعلت ليه , انا بقول الحقيقة .. فعلا دي مش بلد .. وإذا كنت جي هنا عشان بس اعمل شغل , بزنس يعني .. وتني راجع على بلدي على طول امريكا .. هو فى زى امريكا

- طلاما مش معترف انها بلد جاي تعمل فيها بزنس ليه ؟!

- الصراحة احلى بزنس يتعمل هنا .. فى حاجات كتير اقدر اعملها هنا مقدرش اعملها برة .. هنا الناس متخلفة سهل جدا اضحك عليهم بكلمتين و كوني مستثمر اجنبي فى نظرهم ده هيساعدني اكتر فى اني انجح هنا

- وضح اكتر عشان نفهم

- بص يا سيدي .. هناك مثلا اى شركة لو عايزة تعملها دعاية تاكل بيها دماغ العميل مش هتعرف الناس هناك امخاخها نضيفة .. انما هنا سهل جدا تاكل دماغ اي حد

- انت جاي تنصب يعني .. مش جاي تفتح شركة
( مع علامات غضب شديدة )

- ( استنكار شديد لما قلته مع نظرات باردة )
البزنس شطارة .. ابويا علمني كدة .. ماهو كان شغال هنا بزنس مان 

businessman

- شطارة ؟! .. وضح

- شكلك شغال فى المجال وانت معندكش خبرة .. انا هوضحلك
عندك هنا الغلابة و الفقرا دماغهم على قدهم .. ودول سهل جدا نتعامل معاهم .. و بيصدقوا اللى بنقوله ..
والاغنية المتريشين دمغهم حلوة بس العنطظة وخداهم ..
يعني مدخلهم غير الفقرا .. الغني نخشلوا دخلة العنطظة .. ابو 100 يبقى ب1000 .. هو لما يسمع الارقام دي .. يشتري زى الاعمى ..مش ده تخلف ؟! ده هو التخلف بعينه.

* فى الحقيقة اتفق معه فيما قاله و ان هذا موجود لا استطيع انكاره ولكن شعرت بالغيرة الشديدة اتجاه بلدنا .. و الحصرة علينا وعلى شعبها , من الذي سمح لهذا المعتوه ملتهم النفوس ان يرتكب جرائمه .. الاجابة " نحن " .. إذا لم نسطيع ايجاد حلا .. سنضمحل .. سنجلس امام التلفاز نشاهد العالم من حولنا .. ونحن نستهلك , نستهلك و نساعد مثل هذا وغيره السيطرة علينا و على عقولنا .. هل نحن بكل هذا الغباء ؟

 ******** 

- هذه القصة مستوحاه من هذا الوطن .. خلاصة لما نعيشه فى يومنا .. الغباء يحاوطنا , حتى لم نسلم من الغباء السياسي هذا ايضا يحاوطنا من كل جهة .. لم استطيع ايجاد حل لهذه المشكلة .. من يستطيع ؟! .. من يريد اصلا من الاساس .. نصفنا يعيش من وراء هذا الغباء و الباقي  لم يدرك .. و لن يفكر فى انقاذ نفسه .. نحن لا نحتاج شخص يعطي لنا حلول .. نحن نحتاج انفس غير انفسنا